The mone mandeth hire lyht,
So doth the semly sonne bryht,
   When briddes singeth breme18;
Deawes19 donketh20 the dounes,
Deores21 with huere derne rounes22
   Domes for to deme;23
Wormes woweth under cloude,24
Wymmen waxeth wounder proude,
   So wel hit wol hem seme,
Yef me shal wonte wille of on,
This wunne weole25 y wole forgon
   Ant wyht in wode be fleme26.

5   Blow, Northern Wind

c. 1300

ICHOT1 a burde2 in boure bryht,
   That fully semly is on syht,
Menskful3 maiden of myht;
   Feir4 ant fre to fonde;5
In al this wurhliche6 won7
A burde of blod ant of bon
Never yete y nuste8 non
   Lussomore in londe9.
       Blow northerne wynd!
       Send thou me my suetyng!10
       Blow northerne wynd! blow, blow, blow!

With lokkes lefliche12 ant longe,
With frount ant face feir to fonge,13
With murthes14 monie mote heo monge,15
   That brid16 so breme17 in boure.
With lossom eye grete ant gode,
With browen blysfol under hode,
He that reste him on the rode,18
   That leflych lyf honoure.
     Blow northerne wynd, etc.

Hire lure19 lumes20 liht,
Ase a launterne a-nyht,
Hire bleo21 blykyeth so bryht,
   So feyr heo is ant fyn.
A suetly swyre22 heo23 hath to holde,
With armes, shuldre ase mon wolde,
Ant fingres feyre for to folde,
   God wolde hue were myn!
       Blow northerne wynd, etc.

Heo is coral of godnesse,
Heo is rubie of ryhtfulnesse,
Heo is cristal of clannesse,24
   Ant baner of bealté.
Heo is lilie of largesse,
Heo is parvenke25 of prouesse,
Heo is solsecle26 of suetnesse,
   Ant lady of lealté.

For hire love y carke ant care,
For hire love y droupne ant dare,27
For hire love my blisse is bare
   Ant al ich waxe won.28
For hire love in slep y slake,
For hire love al nyht ich wake,
For hire love mournynge y make
   More then eny mon.
     Blow northerne wynd!
     Send thou me my suetyng!
     Blow northerne wynd! blou, blou, blou!

6   Lines from Love Letters


De Amico ad Amicam

ACELUY que pluys eyme en mounde,
Of alle tho that I have founde
Saluz od treyé amour,
With grace and joye and alle honoure,

Sachez bien, pleysant et beele,
That I am right in goode heele
        Laus Christo!
Et moun amour doné vous ay,
And also thine owene, night and day
        In cisto.

Ma tres duce et tres amé,
Night and day for love of thee
Soyez permanent et leal;
Love me so that I it fele,

A vous jeo suy tut doné;
Mine herte is full of love to thee
Et pur ceo jeo vous pry,
Sweting, for thin curtesy,

Jeo vous pry par charité
The wordes that here wreten be
And turne thy herte me toward
O àa Dieu que vous gard!

  By PanEris using Melati.

Previous chapter/page Back Home Email this Search Discuss Next chapter/page
Copyright: All texts on Bibliomania are © Ltd, and may not be reproduced in any form without our written permission. See our FAQ for more details.