“D—n my creditors,” retorted the gallant Galbraith, “and you, if ye be ane o’ them. I say there will be a new warld sune—And we shall hae nae Cawmils cocking their bonnet sae hie, and hounding their dogs where they daurna come themsells, nor protecting thieves, nor murderers, and oppressors, to harry and spoil better men and mair loyal clans than themsells.”

The Bailie had a great mind to have continued the dispute, when the savoury vapour of the broiled venison, which our landlady now placed before us, proved so powerful a mediator, that he betook himself to his trencher with great eagerness, leaving the strangers to carry on the dispute among themselves.

“And tat’s true,” said the taller Highlander, whose name I found was Stewart, “for we suldna be plagued and worried here wi’ meetings to pit down Rob Roy, if the Cawmils didna gie him refutch. I was ane o’ thirty o’ my ain name—part Glenfinlas, and part men that came down frae Appine. We shased the MacGregors as ye wad shase rae-deer, till we came into Glenfalloch’s country, and the Cawmils raise and wadna let us pursue nae farder, and sae we lost our labour; but her wad gie twa and a plack to be as near Rob as she was tat day.”

It seemed to happen very unfortunately, that in every topic of discourse which these warlike gentlemen introduced, my friend the Bailie found some matter of offence. “Ye’ll forgie me speaking my mind, sir; but ye wad maybe hae gien the best bowl in your bonnet to hae been as far awa frae Rob as ye are e’en now.—Odd, my het pleugh-culter wad hae been naething to his claymore.”

“She had better speak nae mair about her culter, or, by G—, her will gar her eat her words, and twa handfuls o’ cauld steel to drive them ower wi’!” And, with a most inauspicious and menacing look, the mountaineer laid his hand on his dagger.

“We’ll hae nae quarrelling, Allan,” said his shorter companion; “and if the Glasgow gentleman has ony regard for Rob Roy, he’ll maybe see him in cauld irons the night, and playing tricks on a tow the morn; for this country has been ower lang plagued wi’ him, and his race is near-hand run—And it’s time, Allan, we were ganging to our lads.”

“Hout awa, Inverashalloch,” said Galbraith. “Mind the auld saw, man—It’s a bauld moon, quoth Bennygask—another pint, quoth Lesley—we’ll no start for another chappin.”

“I hae had chappins eneugh,” said Inverashalloch; “I’ll drink my quart of usquebaugh or brandy wi’ ony honest fellow, but the deil a drap mair, when I hae wark to do in the morning. And, in my puir thinking, Garschattachin, ye had better be thinking to bring up your horsemen to the Clachan before day, that we may a’ start fair.”

“What the deevil are ye in sic a hurry for?” said Garschattachin; “meat and mass never hindered wark. An it had been my directing, deil a bit o’ me wad hae fashed ye to come down the glens to help us. The garrison and our ain horse could hae taen Rob Roy easily eneugh. There’s the hand,” he said, holding up his own, “should lay him on the green, and never ask a Hielandman o’ ye a’ for his help.”

“Ye might hae loot us bide still where we were, then,” said Inverashalloch. “I didna come sixty miles without being sent for. But an ye’ll hae my opinion, I redd ye keep your mouth better steekit, if ye hope to speed. Shored folk live lang, and sae may him ye ken o’. The way to catch a bird is no to fling your bannet at her. And also thae gentlemen hae heard some things they suldna hae heard, an the brandy hadna been ower bauld for your brain, Major Galbraith.—Ye needna cock your hat and bully wi’ me, man, for I will not bear it.”

“I hae said it,” said Galbraith, with a solemn air of drunken gravity, “that I will quarrel no more this night either with broadcloth or tartan. When I am off duty, I’ll quarrel with you or ony man in the Hielands or Lowlands, but not on duty—no—no.—I wish we heard o’ these redcoats.—If it had been to do onything against King James, we wad hae seen them lang syne—but when it’s to keep the peace o’ the country, they can lie as lound as their neighbours.”